അസ്തമയം

           പുതിയ  ഫ്ലാറ്റിന്റെ ചുവരുകൾക് പതിവില്ലാത്ത ഒരു വെള്ള നിറമായിരുന്നു. അവളുടെ മനസു പോലെ. ഇത് അവള്ക്ക് എന്റെ പിറന്നാൾ സമ്മാനമായിരുന്നു - ഞങ്ങളുടെ സ്വപ്നക്കൂട് . ഇന്ന് ഗൃഹപ്രവേശം , അവളുടെ പിറന്നാളും  . 

           ഭാഗിലെ തുണികൾ ഞാൻ നിലത്തേക് കുടഞ്ഞിട്ടു, അതിൽ മുഖം അമര്ത്തി. അവളുടെ മണം, എന്നെത്തെയും പോലെ ...... കടിഞ്ഞാണിട്ടു വെച്ചിരുന്ന എന്റെ കണ്ണുനീർ ഇപ്പോൾ സ്വതന്ത്രമായി ഒഴുകി. ഇന്നലെ രാത്രി മുഴുവൻ മുറുക്കി പിടിച്ചു വച്ച ആ കൈകളെ ഒരിക്യൽ കൂടി തഴുകാൻ ഞാൻ കൊതിച്ചു. 

           പകൽ മുഴുവൻ എരിഞ്ഞെരിഞ്ഞു മടുത്തു സൂര്യൻ വിശ്രമിക്യാനുള്ള തത്രപ്പാടിലാണ്. ഞാനും മെല്ലെ ബാല്കനിയിലേക്യു നടന്നു. എന്റെ കൈകൾ ചിറകുകളായ്. ഞാൻ മെല്ലെ പറന്നു..... ഇനി നിമിഷങ്ങളുടെ ദൂരം മാത്രം .........